pe9:2.1 Tattha taṇhācaritā sattā sattasaññābhiniviṭṭhā anuppādavayadassino.
BAGIAN 2
pe9:2.2 Te pañcasu khandhesu attānaṁ samanupassanti “rūpavantaṁ vā attānaṁ, attani vā rūpaṁ, rūpasmiṁ vā attānan”ti.
pe9:2.3 Evaṁ pañcakkhandhā.
pe9:2.4 Aññehi khandhehi attānaṁ samanupassanti tassa ussannadiṭṭhikā sattā vipassamānā khandhe ujuṁ attato samanupassanti.
pe9:2.5 Te rūpaṁ attako samanupassanti.
pe9:2.6 Yaṁ rūpaṁ, so attā.
pe9:2.7 Yo ahaṁ, taṁ rūpaṁ.
pe9:2.8 So rūpavināsaṁ passati, ayaṁ ucchedavādī.
pe9:2.9 Iti pañcannaṁ khandhānaṁ paṭhamābhinipātā sakkāyadiṭṭhiyo pañca ucchedaṁ bhajanti “taṁ jīvaṁ taṁ sarīran”ti.
pe9:2.10 Ekamekamhi khandhe tīhi padehi pacchimakehi sassataṁ bhajati “aññaṁ jīvaṁ aññaṁ sarīran”ti.
pe9:2.11 Ito bahiddhāte pabbajitā taṇhācaritā kāmasukhallikānuyogamanuyuttā viharanti.
pe9:2.12 Tena ye ca nissandena diṭṭhicaritā attakilamathānuyogamanuyuttā viharanti.
pe9:2.13 Tenayeva diṭṭhisukhena ettāvatā bāhirako payogo.