pe8:86.1 Yaṁ puriso bhāvanābhūmiyaṁ sīlāni ārabbha sīlena saṁyutto hoti evaṁ yāva vimutti tathā sīlakkhandho.
BAGIAN 86
pe8:86.2 Tattha yo ca avippaṭisāro anusayavasena niddiṭṭho, tañca sīlaṁ ayaṁ sīlakkhandho.
pe8:86.3 Pāmojjapītipassaddhīti ca samādhindriyena, ayaṁ samādhikkhandho.
pe8:86.4 Yaṁ samāhito yathābhūtaṁ pajānāti, ayaṁ paññākkhandho.
pe8:86.5 Ime tayo khandhā sīlaṁ samādhi paññā ca tathā sīlaṁ paripūreti yaṁ vīriyindriyaṁ tena kāraṇena so sīlaṁ paripūreti, anuppannassa ca akusalassa anuppādāya vāyamati, uppannassa ca pahānāya anuppannassa ca kusalassa uppādāya, uppannassa ca kusalassa bhiyyobhāvāya iti vīriyindriyaṁ niddiṭṭhaṁ.
pe8:86.6 Tattha yo samādhikkhandho, idaṁ samādhindriyaṁ.
pe8:86.7 Paññākkhandho paññindriyaṁ, taṁ catūsu sammappadhānesu daṭṭhabbaṁ.
pe8:86.8 Tathā yo anuppannassa ca akusalassa anuppādāya vāyamati, idaṁ paṭhamaṁ sammappadhānaṁ.
pe8:86.9 Yaṁ uppannassa, idaṁ dutiyaṁ.
pe8:86.10 Cattāri sammappadhānāni catūsu jhānesu passitabbāni.
pe8:86.11 Tathā sīlakkhandhena nekkhammadhātu ca adhikā, tayo ca vitakkā nekkhammavitakko abyāpādavitakko avihiṁsāvitakko ca.
pe8:86.12 Sādhāraṇabhūtā.
pe8:86.13 Yā piyāyamānassa pāmojjena idaṁ kāyikaṁ sukhaṁ ānitaṁ aniyamītipemena, idaṁ dukkhaṁ.
pe8:86.14 Yo tattha avikkhepo, ayaṁ samādhi.
pe8:86.15 Idaṁ pañcaṅgikaṁ paṭhamaṁ jhānaṁ.
pe8:86.16 Yā cetasikā passaddhi savitakkaṁ savicāraṁ virodhanaṁ, yo kileso ca paridāho, so paṭhame jhāne niruddho.
pe8:86.17 Tathā yā ca kilesapassaddhi yā ca vitakkavicārānaṁ passaddhi, ubhayepi ete dhamme passaddhāyaṁ.
pe8:86.18 Tattha kāyassa cittassa ca sukhaṁ sukhāyanā, idaṁ pītisukhino passaddhi.
pe8:86.19 Yopi ekodibhāvo cittassa, tena ekodibhāvena yaṁ cittassa ajjhattaṁ sampasādanaṁ, idaṁ catutthaṁ jhānaṅgaṁ.
pe8:86.20 Iti ajjhattañca sampasādo cetaso ca ekodibhāvo pīti ca sukhañca, idaṁ dutiyaṁ jhānaṁ caturaṅgikaṁ.
pe8:86.21 Yo passaddhakāyo sukhaṁ vedeti, tena adhimattena sukhena pharitvā sukhaṁ cetasikaṁ yaṁ, so pītivītarāgo evaṁ tassa pītivītarāgatāya upekkhaṁ paṭilabhati.
pe8:86.22 So pītiyā ca virāgā upekkhaṁ paṭilabhati.
pe8:86.23 Sukhañca paṭisaṁvedeti.
pe8:86.24 Sati ca sammā paññāya paṭilabhati.
pe8:86.25 Sace sati ekaggatā idaṁ pañcaṅgikaṁ tatiyaṁ jhānaṁ.
pe8:86.26 Yaṁ sukhino cittaṁ samādhiyati, ayaṁ ekaggatāya parāvidhānabhāgiyā, paṭhame jhāne atthi cittekaggatā no cakkhussa vedanā sabbaṁ pāripūriṁ gacchati.
pe8:86.27 Yathā catutthe jhāne, tathā yā upekkhā passambhayaṁ satisampajaññaṁ cittekaggatā ca, idaṁ catutthaṁ jhānaṁ.