pe8:59.1 Tattha katamo lakkhaṇo hāro?
BAGIAN 59
pe8:59.2 Viññāṇe vutte saddhāsatibhāvite sabbe pañcakkhandhā vuttā bhavanti.
pe8:59.3 Saddhāya bhaṇitāya sabbāni satta dhanāni bhaṇitāni honti saddhādhanaṁ …pe…
pe8:59.4 sīlakkhandhe vutte samādhikkhandho ca paññākkhandho ca vuttā bhavanti.
pe8:59.5 Yaṁ taṁ cittaṁ dīgharattaṁ paribhāvitaṁ pacchimake kāle na tadanuparivatti bhavissatīti netaṁ ṭhānaṁ vijjati.
pe8:59.6 Tattha saññāpi tadanuparivattinī bhavati.
pe8:59.7 Yepi tajjātikā dhammā, tepi tadanuparivattino bhavanti.
pe8:59.8 Rūpasaññā rūpasañcetanānupassanamanasikāro evaṁ channaṁ āyatanānaṁ viññāṇakāye, ayaṁ lakkhaṇo hāro.