pe6:61.1 Tattha katamaṁ paṭhamaṁ jhānaṁ?
BAGIAN 61
pe6:61.2 Pañcaṅgavippayuttaṁ pañcaṅgasamannāgataṁ.
pe6:61.3 Katamehi pañcahi aṅgehi vippayuttaṁ?
pe6:61.4 Pañcahi nīvaraṇehi.
pe6:61.5 Tattha katamāni pañca nīvaraṇāni?
pe6:61.6 Kāmacchandoti vitthāretabbo.
pe6:61.7 Tattha katamo kāmacchando?
pe6:61.8 Yo pañcasu kāmaguṇesu chandarāgo pemaṁ nikanti ajjhosānaṁ icchā mucchā patthanā apariccāgo anusayo pariyuṭṭhānaṁ, ayaṁ kāmacchandanīvaraṇaṁ.
pe6:61.9 Tattha katamaṁ byāpādanīvaraṇaṁ?
pe6:61.10 Yo sattesu saṅkhāresu ca āghāto …pe…
pe6:61.11 yathā dose tathā nioṭṭhānā, ayaṁ byāpādo nīvaraṇaṁ.
pe6:61.12 Tattha katamaṁ middhaṁ?
pe6:61.13 Yā cittassa jaḷatā cittassa garuttaṁ cittassa akammaniyatā cittassa nikkhepo niddāyanā pacalikatā pacalāyanā pacalāyanaṁ, idaṁ middhaṁ.
pe6:61.14 Tattha katamaṁ thinaṁ?
pe6:61.15 Yā kāyassa thinatā jaḷatā kāyassa garuttā kāyassa appassaddhi, idaṁ thinaṁ.
pe6:61.16 Iti idañca thinaṁ purimakañca middhaṁ tadubhayaṁ thinamiddhanīvaraṇanti vuccati.
pe6:61.17 Tattha katamaṁ uddhaccaṁ?
pe6:61.18 Yo avūpasamo cittassa, idaṁ uddhaccaṁ.
pe6:61.19 Tattha katamaṁ kukkuccaṁ?
pe6:61.20 Yo cetaso vilekho alañcanā vilañcanā hadayalekho vippaṭisāro, idaṁ kukkuccaṁ.
pe6:61.21 Iti idañca kukkuccaṁ purimakañca uddhaccaṁ tadubhayaṁ uddhaccakukkuccanīvaraṇanti vuccati.
pe6:61.22 Tattha katamaṁ vicikicchānīvaraṇaṁ?
pe6:61.23 Yo buddhe vā dhamme vā saṅghe vā …pe…
pe6:61.24 ayaṁ vicikicchā.
pe6:61.25 Api ca kho pana pañca vicikicchāyo samanantarāyikā desantarāyikā samāpattantarāyikā maggantarāyikā saggantarāyikā, imāyo pañca vicikicchāyo.
pe6:61.26 Idha pana samāpattantarāyikā vicikicchā adhippetā.
pe6:61.27 Ime pañca nīvaraṇā.