pe6:59.1 Arahantova ayaṁ sopādisesā nibbānadhātu.
BAGIAN 59
pe6:59.2 Tassa āyukkhayā jīvitindriyāparodhā idañca dukkhaṁ nirujjhati, aññañca dukkhaṁ na uppajjati.
pe6:59.3 Yo imassa dukkhassa nirodho vūpasamo, aññassa ca apātubhāvo, ayaṁ anupādisesā nibbānadhātu.
pe6:59.4 Imā dve nibbānadhātuyo.
pe6:59.5 Iti saccāni vuttāni.
pe6:59.6 Saccābhisamayo vutto, kilesavavatthānaṁ vuttaṁ, pahānaṁ vuttaṁ, bhūmiyo vuttā, phalāni vuttāni, nibbānadhātuyo vuttā.
pe6:59.7 Evamimesu vuttesu sabbabodhi vuttā bhavati.
pe6:59.8 Ettha yogo karaṇīyo.