pe6:49.1 Tattha pañca diṭṭhiyo ucchedaṁ bhajanti.
BAGIAN 49
pe6:49.2 Katamāyo pañca?
pe6:49.3 Rūpaṁ attato samanupassati, yāva viññāṇaṁ attato samanupassati, imāyo pañca ucchedaṁ bhajanti, avasesāyo pannarasa sassataṁ bhajanti.
pe6:49.4 Iti sakkāyadiṭṭhipahānā dvāsaṭṭhidiṭṭhigatāni pahīyanti.
pe6:49.5 Pahānā ucchedaṁ sassatañca na bhajati.
pe6:49.6 Iti ucchedasassatappahānā ariyasāvakassa na kiñci diṭṭhigataṁ bhavati, aññā vā lokuttarāya sammādiṭṭhiyā.
pe6:49.7 Kathaṁ pana sakkāyadiṭṭhi na bhavati?
pe6:49.8 Idha ariyasāvako sutavā hoti, sabbo sukkapakkho kātabbo, yāva ariyadhammesu kovido rūpaṁ anattato samanupassati, yāva viññāṇaṁ …pe…
pe6:49.9 evamassa samanupassantassa sakkāyadiṭṭhi na bhavati.