6. Suttatthasamuccayabhūmi

pe6:46.1 <b>Catasso ariyabhūmiyo cattāri sāmaññaphalāni</b>.

pe6:46.2 Tattha yo yathābhūtaṁ pajānāti, esā dassanabhūmi.

pe6:46.3 Sotāpattiphalañca so yathābhūtaṁ pajānitvā nibbindati, idaṁ tanukāmarāgassa padaṭṭhānaṁ byāpādānaṁ.

pe6:46.4 Sakadāgāmiphalañca saṇhaṁ virajjati, ayaṁ rāgavirāgā cetovimutti.

pe6:46.5 Anāgāmiphalañca yaṁ avijjāvirāgā vimuccati, ayaṁ katābhūmi.

pe6:46.6 Arahattañca sāmaññaphalānīti ko vacanattho, ariyo aṭṭhaṅgiko maggo sāmaññaṁ, tassetāni phalāni sāmaññaphalānīti vuccati.

pe6:46.7 Kissa brahmaññaphalānīti vuccante?

pe6:46.8 Brahmaññaariyo aṭṭhaṅgiko maggo, tassa tāni phalānīti brahmaññaphalānīti vuccante.