pe6:45.1 Ekādasasīlamūlakā dhammā sīlavato avippaṭisāro bhavati …pe…
BAGIAN 45
pe6:45.2 so vimuttiñāṇadassanaṁ “nāparaṁ itthattāyā”ti pajānanā.
pe6:45.3 Tattha veramaṇilakkhaṇaṁ sīlaṁ, taṁ avippaṭisārassa padaṭṭhānaṁ.
pe6:45.4 Na attānuvādalakkhaṇo avippaṭisāro, so pāmojjassa padaṭṭhānaṁ.
pe6:45.5 Abhippamodanalakkhaṇaṁ pāmojjaṁ, taṁ pītiyā padaṭṭhānaṁ.
pe6:45.6 Attamanalakkhaṇā pīti, sā passaddhiyā padaṭṭhānaṁ.
pe6:45.7 Kammaniyalakkhaṇā passaddhi, sā sukhassa padaṭṭhānaṁ.
pe6:45.8 Abyāpādalakkhaṇaṁ sukhaṁ, taṁ samādhino padaṭṭhānaṁ.
pe6:45.9 Avikkhepanalakkhaṇo samādhi, so yathābhūtañāṇadassanassa padaṭṭhānaṁ.
pe6:45.10 Aviparītasantīraṇalakkhaṇā paññā, sā nibbidāya padaṭṭhānaṁ anālayanalakkhaṇā nibbidā, sā virāgassa padaṭṭhānaṁ.
pe6:45.11 Asaṅkilesalakkhaṇo virāgo, so vimuttiyā padaṭṭhānaṁ.
pe6:45.12 Akusaladhammavivekalakkhaṇā vimutti, sā vimuttino vodānassa padaṭṭhānaṁ.