pe6:4.1 Tattha <b>dvādasāyatanāni</b> katamāni?
BAGIAN 4
pe6:4.2 Cha ajjhattikāni cha bāhirāni.
pe6:4.3 Cakkhāyatanaṁ yāva manāyatananti ajjhattikaṁ, rūpāyatanaṁ yāva dhammāyatananti bāhiraṁ.
pe6:4.4 Etāni dvādasa āyatanāni.
pe6:4.5 Etesaṁ kā pariññā?
pe6:4.6 Aniccaṁ dukkhaṁ saññā anattāti, esā etesaṁ pariññā.
pe6:4.7 Api ca dvidhā pariññā ñātapariññā ca pahānapariññā ca.
pe6:4.8 Tattha ñātapariññā nāma aniccaṁ dukkhaṁ saññā anattāti, esā ñātapariññā.
pe6:4.9 Pahānapariññā pana chandarāgappahānā, esā pahānapariññā.
pe6:4.10 Tattha katamo āyatanattho?
pe6:4.11 Vuccate ākārattho āyatanattho.
pe6:4.12 Yathā suvaṇṇākaro dubbaṇṇākaro, yathā dvīhi tehi ākārehi te te gāvā uttiṭṭhanti.
pe6:4.13 Evaṁ ete hi cittacetasikā gāvā uttiṭṭhanti kammakilesā dukkhadhammā ca.
pe6:4.14 Punarāha āyadānattho āyatanattho.
pe6:4.15 Yathā rañño āyadānehi āyo bhavati, evaṁ āyadānattho āyatanattho.