pe6:3.1 Tattha <b>aṭṭhārasa dhātuyo</b> cakkhudhātu rūpadhātu cakkhuviññāṇadhātu …pe…
BAGIAN 3
pe6:3.2 manodhātu dhammadhātu manoviññāṇadhātu.
pe6:3.3 Etāyo aṭṭhārasa dhātuyo.
pe6:3.4 Tāsaṁ pariññā aniccaṁ dukkhaṁ saññā anattāti esā etāsaṁ pariññā.
pe6:3.5 Tattha ko dhātuattho?
pe6:3.6 Vuccate avayavattho dhātuattho.
pe6:3.7 Avayavoti cakkhu no pasādo cakkhudhātu.
pe6:3.8 Evaṁ pañcasu dhātūsu puna rāgavavacchedattho dhātuattho.
pe6:3.9 Vavacchinnā hi cakkhudhātu.
pe6:3.10 Evaṁ pañcasu punarāha ekantipakatyatthena dhātuatthoti vuccate.
pe6:3.11 Taṁ yathā, pakatiyā ayaṁ puriso pittiko semhiko vātiko sannipātikoti evaṁ pakaticakkhudhātu dasannaṁ piyā ca sabbesu indriyesu …pe…
pe6:3.12 visabhāgattho dhātuattho.