pe6:10.1 Tattha andhakāratimisā yathābhūtaṁ appajānanalakkhaṇā avijjā saṅkhārānaṁ padaṭṭhānaṁ.
BAGIAN 10
pe6:10.2 Abhisaṅkharaṇalakkhaṇā saṅkhārā, upacayapunabbhavābhiropanapaccupaṭṭhānā.
pe6:10.3 Te viññāṇassa padaṭṭhānaṁ.
pe6:10.4 Vatthu saviññattilakkhaṇaṁ viññāṇaṁ, taṁ nāmarūpassa padaṭṭhānaṁ.
pe6:10.5 Anekasannissayalakkhaṇaṁ nāmarūpaṁ, taṁ saḷāyatanassa padaṭṭhānaṁ.
pe6:10.6 Indriyavavatthāpanalakkhaṇaṁ saḷāyatanaṁ, taṁ phassassa padaṭṭhānaṁ.
pe6:10.7 Sannipātalakkhaṇo phasso, so vedanāya padaṭṭhānaṁ.
pe6:10.8 Anubhavanalakkhaṇā vedanā, sā taṇhāya padaṭṭhānaṁ.
pe6:10.9 Ajjhosānalakkhaṇā taṇhā, sā upādānassa padaṭṭhānaṁ.
pe6:10.10 Ādānaparihananalakkhaṇaṁ upādānaṁ, taṁ bhavassa padaṭṭhānaṁ.
pe6:10.11 Nānāgativikkhepalakkhaṇo bhavo, so jātiyā padaṭṭhānaṁ.
pe6:10.12 Khandhānaṁ pātubhāvalakkhaṇā jāti, sā jarāya padaṭṭhānaṁ.
pe6:10.13 Upanayaparipākalakkhaṇā jarā, sā maraṇassa padaṭṭhānaṁ.
pe6:10.14 Āyukkhayajīvitauparodhalakkhaṇaṁ maraṇaṁ, taṁ dukkhassa padaṭṭhānaṁ.
pe6:10.15 Kāyasampīḷanalakkhaṇaṁ dukkhaṁ, taṁ domanassassa padaṭṭhānaṁ.
pe6:10.16 Cittasampīḷanalakkhaṇaṁ domanassaṁ, taṁ sokassa padaṭṭhānaṁ.
pe6:10.17 Socanalakkhaṇo soko, so paridevassa padaṭṭhānaṁ.
pe6:10.18 Vacīnicchāraṇalakkhaṇo paridevo, so upāyāsassa padaṭṭhānaṁ.
pe6:10.19 Ye āyāsā te upāyāsā.