pe5:66.1 Hetussa upakaraṇaṁ samudānetabbo.
BAGIAN 66
pe5:66.2 Samudānaṁ hetu, tattha duvidho hetu.
pe5:66.3 Duvidho paccayo—
pe5:66.4 samanantarapaccayo ca paramparapaccayo ca.
pe5:66.5 Hetupi duvidho—
pe5:66.6 samanantarahetu ca paramparahetu ca.
pe5:66.7 Tattha katamo paramparapaccayo?
pe5:66.8 Avijjā nāmarūpassa paramparapaccayo, viññāṇaṁ samanantarapaccayatāya paccayo.
pe5:66.9 Yadi ādimhi avijjānirodho bhavati nāmarūpassa nirodhopi.
pe5:66.10 Tattha samanantaraṁ kiṅkāraṇaṁ paramparapaccayo samanantarapaccayo samuddānito, ayaṁ paccayato.
pe5:66.11 Tattha katamo paramparahetu?
pe5:66.12 Vijānantassa paramparahetutāya hetu, aññākāro samanantarahetutāya hetu.
pe5:66.13 Yassa hi yaṁ samanantaraṁ nibbattati, so tassa hetupi jātinirodhā bahi ākāranirodho, ākāranirodhā daṇḍanirodho, daṇḍanirodhā khaṇḍanirodho.
pe5:66.14 Evaṁ hetupi dvidhā so tāhi passitabbo.