pe5:57.1 Tathā bāvīsati indriyāni.
BAGIAN 57
pe5:57.2 Dvādasa indriyāni cakkhundriyāni cakkhundriyaṁ yena domanassindriyaṁ, idaṁ dukkhaṁ.
pe5:57.3 Purisindriyaṁ ca diṭṭhiyā ca taṇhāpadaṭṭhānaṁ.
pe5:57.4 Yato puriso purisakānaṁ taṁ evaṁ kātabbatā.
pe5:57.5 Atha ajjhattaṁ sārajjati.
pe5:57.6 Ayaṁ ahaṅkāro taṁ yasā sāratto bahiddhā pariyesati, ayaṁ mamaṅkāro evaṁ itthī, tattha sukhindriyaṁ ca somanassindriyaṁ ca purisindriyassānuvattakā honti.
pe5:57.7 Tassa adhippāyaparipuṇṇā lobhadhammā kusalamūle pavaḍḍhenti.
pe5:57.8 Tassa ce ayamadhippāyo na pāripūriṁ gacchati.
pe5:57.9 Tassa dukkhindriyaṁ ca domanassindriyaṁ ca vattati.
pe5:57.10 Doso ca akusalamūlaṁ pavaḍḍhati.
pe5:57.11 Sace pana upekkhā bhāveti upekkhindriyassa anuvattakāmā bhavati.
pe5:57.12 Amoho ca kusalamūlaṁ pavaḍḍhati.
pe5:57.13 Iti satta indriyāni kilesavatthumupādāya ananvemāni avamāni sabbassa vedanā itthindriyaṁ purisindriyaṁ.
pe5:57.14 Tattha aṭṭha indriyāni saddhindriyaṁ yāva aññātāvino indriyaṁ, ayaṁ dukkhanirodhagāminī paṭipadā.
pe5:57.15 Dasannaṁ paññindriyānaṁ kāmarāgassa padaṭṭhānaṁ.
pe5:57.16 Manindriyaṁ bhavarāgassa padaṭṭhānaṁ.
pe5:57.17 Paññindriyāni rūparāgassa padaṭṭhānaṁ.
pe5:57.18 Itthindriyaṁ ca purisindriyaṁ ca satta paññattiyā padaṭṭhānaṁ.
pe5:57.19 Tattha yena yena indriyena yuttaṁ vā gāthāya otāretuṁ sakkoti, tena tena niddisitabbo.
pe5:57.20 Evaṁ khandhesu dhātūsu āyatanesu saccesu paṭiccasamuppādesu ayaṁ otaraṇo hāro.