pe5:52.1 Tattha katamo <b>otaraṇo hāro</b>?
BAGIAN 52
pe5:52.2 Chasu dhammesu otāretabbaṁ.
pe5:52.3 Katamesu chasu?
pe5:52.4 Khandhesu dhātūsu āyatanesu indriyesu saccesu paṭiccasamuppādesu.
pe5:52.5 Natthi taṁ suttaṁ vā gāthā vā byākaraṇaṁ vā.
pe5:52.6 Imesu channaṁ dhammānaṁ aññatarasmiṁ na sandissati.
pe5:52.7 Ettāvatā esa sabbā desanā yā tā khandhā vā dhātuyo vā āyatanāni vā saccāni vā paṭiccasamuppādo vā, tattha pañcannaṁ khandhānaṁ vedanākkhandho rāgadosamohānaṁ padaṭṭhānaṁ.
pe5:52.8 Tattha tisso vedanāyo tassa sukhāya vedanāya somanasso savicāro, dukkhāya vedanāya domanasso savicāro, adukkhamasukhāya vedanāya upekkho savicāro.
pe5:52.9 Yaṁ puna tattha vedayitaṁ idaṁ dukkhasaccaṁ, khandhesu saṅkhārakkhandho tattha kāyo pamattaṁ saupavattati, tañca saṅkhāragato dvidhā ca bhavaṅgotaraṇaṁ kammaṁ tīṇi ca saṅkhārāni puññābhisaṅkhārā vā apuññā vā āneñjā vā hetu sabbasarāgassa no vītarāgassa, dosassa abhisaṅkhārāni ca avītarāgo ceteti ca pakappeti ca, vītarāgo pana ceteti ca no abhisaṅkharoti, yaṁ uṇhaṁ vajiraṁ kaṭṭhe vā rukkhe vā aññattha vā patantaṁ bhindati ca ḍahati ca, evaṁ sarāgacetanā ceteti ca abhisaṅkharoti ca.
pe5:52.10 Yathā sataṁ vajiraṁ na bhindati na ca ḍahati, evaṁ vītarāgacetanā ceteti na ca abhisaṅkharoti.
pe5:52.11 Tattha pañcannaṁ khandhānaṁ eko khandho anindriyasarīraṁ saññākkhandho.