pe5:5.1 Pañhāti imāni cattāri padāni.
BAGIAN 5
pe5:5.2 Kati pañhā?
pe5:5.3 Eko vā dve vā taduttari vā imāni cattāri padāni eko pañho, atthānuparivatti byañjanaṁ hoti, sambahulānipi padāni ekamevatthaṁ pucchati.
pe5:5.4 Imāni cattāri padāni anuparivattīni taṁ byañjanena eko pañhova hoti.
pe5:5.5 Kenassu nivuto lokoti lokaṁ sandhāya pucchati, kenassu nappakāsati kissābhilepanaṁ brūsīti taṁyeva pucchati.
pe5:5.6 Kiṁsu tassa mahabbhayanti taṁyeva pucchati.
pe5:5.7 Evaṁ atthānuparivatti byañjanaṁ eko pañho hoti, so pañho catubbidho ekaṁsabyākaraṇīyo vibhajjabyākaraṇīyo paṭipucchābyākaraṇīyo ṭhapaniyoti.
pe5:5.8 Tattha cakkhu aniccanti ekaṁsabyākaraṇīyo, yaṁ aniccaṁ taṁ dukkhanti vibhajjabyākaraṇīyo, siyā aniccaṁ na cakkhu, yānipi āyatanāni ca na cakkhu, tānipi aniccanti na cakkhuyeva, ayaṁ vibhajjabyākaraṇīyo, yaṁ cakkhu taṁ cakkhundriyaṁ neti paṭipucchābyākaraṇīyo, taṁ cakkhu tathāgatoti ṭhapaniyo.
pe5:5.9 Aññatra cakkhunāti ṭhapaniyo pañho.
pe5:5.10 Idaṁ pañhaṁ bhagavā kiṁ pucchito, lokassa saṅkileso pucchito.
pe5:5.11 Kiṅkāraṇaṁ?
pe5:5.12 Tividho hi saṅkileso taṇhāsaṅkileso ca diṭṭhisaṅkileso ca duccaritasaṅkileso ca.
pe5:5.13 Tattha avijjāya nivutoti avijjaṁ dasseti, jappāti taṇhaṁ dasseti, mahabbhayanti akusalassa kammassa vipākaṁ dasseti, sotaṁ nāma sukhavedanīyassa kammassa dukkhavedanīyo vipāko bhavissatīti netaṁ ṭhānaṁ vijjatīti bhagavā visajjeti, catūhi yo padehi avijjāya nivuto lokoti …pe…
pe5:5.14 evaṁ vuccati.