pe5:42.1 Yathā kiṁ unnaḷānaṁ pamattānanti gāthāyo.
BAGIAN 42
pe5:42.2 Yaṁ pamādo, idaṁ kissa padaṭṭhānaṁ?
pe5:42.3 Kusalānaṁ dhammānaṁ osaggassa.
pe5:42.4 Kusaladhammosaggo pana kissa padaṭṭhānaṁ?
pe5:42.5 Akusaladhammapaṭisevanāya.
pe5:42.6 Kissa padaṭṭhānaṁ, kusaladhammapaṭisevanāya?
pe5:42.7 Kissa padaṭṭhānaṁ, kilesavatthupaṭisevanāya?
pe5:42.8 Iti pamādena mohapakkhiyā diṭṭhi avijjā chandarāgapakkhiyā.
pe5:42.9 Tattha taṇhā ca diṭṭhi cattāro āsavā taṇhā kāmāsavo ca bhavāsavo ca diṭṭhāsavo ca avijjāsavo ca.
pe5:42.10 Tattha citte atthīti diṭṭhi cetasikesu niccanti pañcasu kāmaguṇesu ajjhāvahanena kāmāsavo, upapattīsu āsatti bhavāsavo.
pe5:42.11 Tattha rūpakāyo kāmāsavassa bhavāsavassa ca padaṭṭhānaṁ.
pe5:42.12 Nāmakāyo diṭṭhāsavassa avijjāsavassa ca padaṭṭhānaṁ.