pe5:39.1 Tattha katamo pubbāparasandhi?
BAGIAN 39
pe5:39.2 Yaṁ gāthāyaṁ vā suttesu vā padāni asīti tāni bhavanti evaṁ vā evameti tassā gāthāya suttassa vā yāni purimāni padāni yāni ca pacchimakāni, tāni samosāretabbāni.
pe5:39.3 Evaṁ so pubbāparena sandhi ñāyati.
pe5:39.4 Yā ekā samāraddhā gāthā dve tīṇi vā tassa mekadese bhāsitānaṁ abhāsitāhi gāthāhi aniddiṭṭho attho bhavati tadupadhāritabbaṁ.
pe5:39.5 Yaṁva sabbā itissa pariyesamānassa pariyesanā kaṅkhā, tassa vā puggalassa paññattīnaṁ apare pariyesitabbaṁ.
pe5:39.6 Idaṁ vuccate pubbāparena sandhi.
pe5:39.7 Kosallanti vatthuto nidānakosallaṁ.
pe5:39.8 Byañjanato niruttikosallaṁ.
pe5:39.9 Desanādhippāyakosallaṁ.
pe5:39.10 Pubbāparena sandhikosallaṁ.
pe5:39.11 Tattha tassa gāthā pariyesitā nidānaṁ vā.
pe5:39.12 Upalabbhituṁ na attho niddisitabbo vatthuto nidānakosallaṁ atthakosallaṁ imehi catūhi padehi attho pariyesiyanto yathābhūtaṁ pariyiṭṭho hoti.
pe5:39.13 Atha ca sabbo vatthuto vā nidānena vā yo adhippāyo byañjano nirutti sandhi ca anuttaro eso pubbāparena evaṁ suttatthena desitabbaṁ.
pe5:39.14 Ayaṁ catubyūho hāro.