pe5:35.1 Tattha katamā nirutti, sā kathaṁ pariyesitabbā?
BAGIAN 35
pe5:35.2 Yathā vuttaṁ bhagavatā ekādasahi aṅgehi samannāgato bhikkhu khippaṁ dhammesu mahattaṁ pāpuṇāti, atthakusalo ca hoti, dhammakusalo ca hoti, niruttikusalo ca hoti, itthādhivacanakusalo ca hoti, purisādhivacanakusalo ca, vipurisādhivacanakusalo ca, atītādhivacanakusalo ca, anāgatādhivacanakusalo ca, paccuppannādhivacanakusalo ca.
pe5:35.3 Ekādhippāyena kusalo nānādhippāyena kusalo.
pe5:35.4 Kimhi desitaṁ, atītānāgatapaccuppannaṁ.
pe5:35.5 Itthādhivacanena purisādhivacanena vipurisādhivacanena sabbaṁ yathāsuttaṁ niddiṭṭhaṁ.
pe5:35.6 Taṁ byañjanato niruttikosallato yo yaṁ suttassa suniruttidunniruttitaṁ avekkhati, idaṁ evaṁ niropayitabbaṁ.
pe5:35.7 Idampi na niropayitabbaṁ.
pe5:35.8 Idaṁ vuccate niruttikosallaṁ.