pe3:14.1 Tīṇi bālassa bālalakkhaṇāni—
BAGIAN 14
pe3:14.2 dubbhāsitabhāsī ca hoti, duccintitacintī ca dukkaṭakammakārī ca.
pe3:14.3 Tattha yaṁ kāyena ca vācāya ca parakkamati, idamassa dukkaṭakammakārī.
pe3:14.4 Tāyaṁ yathā ca musāvādaṁ bhāsati yathā pubbaniddiṭṭhaṁ, idamassa dubbhāsitā.
pe3:14.5 Yañca saṅkappeti manoduccaritaṁ byāpādaṁ, idamassa duccintitacintitā.
pe3:14.6 Yaṁ so imehi tīhi bālalakkhaṇehi samannāgato tīṇi tajjāni dukkhāni domanassāni anubhavati, so ca hoti sabhaggato vā parisaggato vā tajjaṁ kathaṁ kathanti.
pe3:14.7 Yadā bhavati so ca pāṇātipātādidasaakusalakammapatho, so tatonidānaṁ dukkhaṁ domanassaṁ paṭisaṁvedetīti.
pe3:14.8 Puna caparaṁ yadā passati coraṁ rājāparādhikaṁ raññā gahitaṁ jīvitā voropetaṁ, tassevaṁ bhavati sace mamampi rājā jāneyya mamampi rājā gāhāpetvā jīvitā voropeyyāti, so tatonidānaṁ dukkhaṁ domanassaṁ paṭisaṁvedeti.
pe3:14.9 Puna caparaṁ bālo yadā bhavati āsanā samārūḷho yāva yā me gati bhavissati ito pecca paraṁ maraṇāti so tatonidānaṁ dukkhaṁ domanassaṁ paṭisaṁvedeti iti bālalakkhaṇaṁ hetu.
pe3:14.10 Tīṇi tajjāni dukkhāni nissando.
pe3:14.11 Kāyassa bhedā nirayesu upapajjati, idaṁ phalaṁ.
pe3:14.12 Idaṁ dosādhiṭṭhānaṁ.