pe2:38.1 Yaṁ kho muni nānappakārassa nānāniruttiyo devanāgayakkhānaṁ dameti dhamme vavatthānena vatvā kāraṇato aññaṁ pāraṁ gamissatīti netaṁ ṭhānaṁ vijjati.
BAGIAN 38
pe2:38.2 Dhammapaṭisambhidā.
pe2:38.3 Yato panimā niruttito satta satta niruttiyo nābhisambhuneyyāti netaṁ ṭhānaṁ vijjati.
pe2:38.4 Niruttipaṭisambhidā.
pe2:38.5 Nirutti kho pana abhisamaggaratānaṁ sāvakānaṁ tamatthamaviññāpayeti netaṁ ṭhānaṁ vijjati.
pe2:38.6 Atthapaṭisambhidā.
pe2:38.7 Mahesakkhā devaputtā upasaṅkamitvā pañhe pucchiṁsu.
pe2:38.8 Kāyikena vā mānasikena vā paripīḷitassa hatthakuṇīti vā pāde vā khañje dandhassa so attho na paribhājiyatīti netaṁ ṭhānaṁ vijjati.
pe2:38.9 Paṭibhānapaṭisambhidā.
pe2:38.10 Yamhi taṁ tesaṁ hoti tamhi asantaṁ bhavatīti netaṁ ṭhānaṁ vijjati.
pe2:38.11 Yaṁ hi nāsaṁ tesaṁ na bhavati, tamhi nāsaṁ tesaṁ bhavissatīti netaṁ ṭhānaṁ vijjati.
pe2:38.12 Evaṁ samudayassa nirodhāya dasa akusalakammapathā.
pe2:38.13 Māro vā indo vā brahmā vā tathāgato vā cakkavattī vā so vata nāma mātugāmo bhavissatīti netaṁ ṭhānaṁ vijjati, puriso assa rājā cakkavattī sakko devānamindo bhavissatīti ṭhānametaṁ vijjati.
pe2:38.14 Itissa evarūpaṁ balaṁ evarūpaṁ ñāṇaṁ, idaṁ vuccati ṭhānāṭṭhānañāṇaṁ paṭhamaṁ tathāgatabalaṁ taṁ niddisitabbaṁ.
pe2:38.15 Tīhi rāsīhi catūhi vesārajjehi catūhi paṭisambhidāhi paṭiccasamuppādassa pavattiyaṁ nivattiyaṁ bhāgiyañca.
pe2:38.16 Kusalaṁ kusalavipākesu ca upapajjati yañca itthipurisānaṁ.
pe2:38.17 Idaṁ paṭhamaṁ balaṁ tathāgato evaṁ jānāti.