ne5:15.1 “Kiṁ su tassa mahabbhayan”ti pañhe “dukkhamassa mahabbhayan”ti visajjanā.
BAGIAN 15
ne5:15.2 Duvidhaṁ dukkhaṁ—
ne5:15.3 kāyikañca cetasikañca.
ne5:15.4 Yaṁ kāyikaṁ idaṁ dukkhaṁ, yaṁ cetasikaṁ idaṁ domanassaṁ.
ne5:15.5 Sabbe sattā hi dukkhassa ubbijjanti, natthi bhayaṁ dukkhena samasamaṁ, kuto vā pana tassa uttaritaraṁ?
ne5:15.6 Tisso dukkhatā—
ne5:15.7 dukkhadukkhatā saṅkhāradukkhatā vipariṇāmadukkhatā.
ne5:15.8 Tattha loko odhaso kadāci karahaci dukkhadukkhatāya muccati.
ne5:15.9 Tathā vipariṇāmadukkhatāya.
ne5:15.10 Taṁ kissa hetu?
ne5:15.11 Honti loke appābādhāpi dīghāyukāpi.
ne5:15.12 Saṅkhāradukkhatāya pana loko anupādisesāya nibbānadhātuyā muccati, tasmā saṅkhāradukkhatā dukkhaṁ lokassāti katvā dukkhamassa mahabbhayanti.
ne5:15.13 Tena ca catutthassa padassa visajjanā yuttā.
ne5:15.14 Tenāha bhagavā “avijjāya nivuto loko”ti.