mnd9:74.1 Kathañca, gahapati, anokasārī hoti?
BAGIAN 74
mnd9:74.2 Rūpadhātuyā kho, gahapati, yo chando yo rāgo yā nandī yā taṇhā ye upāyupādānā cetaso adhiṭṭhānābhinivesānusayā te tathāgatassa pahīnā ucchinnamūlā tālāvatthukatā anabhāvaṅkatā āyatiṁ anuppādadhammā;
mnd9:74.3 tasmā tathāgato anokasārīti vuccati.
mnd9:74.4 Vedanādhātuyā kho, gahapati …
mnd9:74.5 saññādhātuyā kho, gahapati …
mnd9:74.6 saṅkhāradhātuyā kho, gahapati …
mnd9:74.7 viññāṇadhātuyā kho, gahapati, yo chando yo rāgo yā nandī yā taṇhā ye upāyupādānā cetaso adhiṭṭhānābhinivesānusayā te tathāgatassa pahīnā ucchinnamūlā tālāvatthukatā anabhāvaṅkatā āyatiṁ anuppādadhammā;
mnd9:74.8 tasmā tathāgato anokasārīti vuccati.
mnd9:74.9 Evaṁ kho, gahapati, anokasārī hoti.