mnd8:77.1 <b>Dhonena yugaṁ samāgamā, na hi tvaṁ sakkhasi sampayātave</b>ti.
BAGIAN 77
mnd8:77.2 <b>Dhonā</b> vuccati paññā.
mnd8:77.3 Yā paññā pajānanā …pe… amoho dhammavicayo sammādiṭṭhi.
mnd8:77.4 Kiṅkāraṇā dhonā vuccati paññā?
mnd8:77.5 Tāya paññāya kāyaduccaritaṁ dhutañca dhotañca sandhotañca niddhotañca,
mnd8:77.6 vacīduccaritaṁ …pe…
mnd8:77.7 sabbākusalābhisaṅkhārā dhutā ca dhotā ca sandhotā ca niddhotā ca.
mnd8:77.8 Atha vā sammādiṭṭhiyā micchādiṭṭhi …
mnd8:77.9 sammāsaṅkappena micchāsaṅkappo …pe…
mnd8:77.10 sammāvimuttiyā micchāvimutti dhutā ca dhotā ca sandhotā ca niddhotā ca.
mnd8:77.11 Atha vā ariyena aṭṭhaṅgikena maggena sabbe kilesā …
mnd8:77.12 sabbe duccaritā …
mnd8:77.13 sabbe darathā …
mnd8:77.14 sabbe pariḷāhā …
mnd8:77.15 sabbe santāpā …
mnd8:77.16 sabbākusalābhisaṅkhārā dhutā ca dhotā ca sandhotā ca niddhotā ca.
mnd8:77.17 Bhagavā imehi dhoneyyehi dhammehi upeto samupeto upagato samupagato upapanno samupapanno samannāgato, tasmā bhagavā dhono.
mnd8:77.18 So dhutarāgo dhutapāpo dhutakileso dhutapariḷāhoti—
mnd8:77.19 dhonoti.