mnd8:18.1 <b>Pasaṁsamicchaṁ vinighāti hotī</b>ti.
BAGIAN 18
mnd8:18.2 <b>Pasaṁsamicchan</b>ti pasaṁsaṁ thomanaṁ kittiṁ vaṇṇahāriyaṁ icchanto sādiyanto patthayanto pihayanto abhijappanto.
mnd8:18.3 <b>Vinighāti hotī</b>ti pubbeva sallāpā kathaṅkathī vinighātī hoti.
mnd8:18.4 “Jayo nu kho me bhavissati, parājayo nu kho me bhavissati, kathaṁ niggahaṁ karissāmi, kathaṁ paṭikammaṁ karissāmi, kathaṁ visesaṁ karissāmi, kathaṁ paṭivisesaṁ karissāmi, kathaṁ āveṭhiyaṁ karissāmi, kathaṁ nibbeṭhiyaṁ karissāmi, kathaṁ chedaṁ karissāmi, kathaṁ maṇḍalaṁ karissāmī”ti, evaṁ pubbeva sallāpā kathaṅkathī vinighāti hotīti—
mnd8:18.5 pasaṁsamicchaṁ vinighāti hoti.