7. Tissametteyyasuttaniddesa

mnd7:70.1 <b>Vivekaññeva sikkhethā</b>ti.

mnd7:70.2 <b>Viveko</b>ti tayo vivekā—

mnd7:70.3 kāyaviveko, cittaviveko, upadhiviveko.

mnd7:70.4 Katamo kāyaviveko …pe…

mnd7:70.5 ayaṁ upadhiviveko.

mnd7:70.6 Kāyaviveko ca vivekaṭṭhakāyānaṁ nekkhammābhiratānaṁ.

mnd7:70.7 Cittaviveko ca parisuddhacittānaṁ paramavodānappattānaṁ.

mnd7:70.8 Upadhiviveko ca nirūpadhīnaṁ puggalānaṁ visaṅkhāragatānaṁ.

mnd7:70.9 <b>Sikkhā</b>ti tisso sikkhā—

mnd7:70.10 adhisīlasikkhā, adhicittasikkhā, adhipaññāsikkhā …pe…

mnd7:70.11 ayaṁ adhipaññāsikkhā.

mnd7:70.12 <b>Vivekaññeva sikkhethā</b>ti vivekaññeva sikkheyya ācareyya samācareyya samādāya vatteyyāti—

mnd7:70.13 vivekaññeva sikkhetha.