7. Tissametteyyasuttaniddesa

mnd7:63.1 <b>Etamādīnavaṁ ñatvā, muni pubbāpare idhā</b>ti.

mnd7:63.2 <b>Etan</b>ti pubbe samaṇabhāve yaso ca kitti ca, aparabhāge buddhaṁ dhammaṁ saṅghaṁ sikkhaṁ paccakkhāya hīnāyāvattassa ayaso ca akitti ca;

mnd7:63.3 etaṁ sampattiṁ vipattiñca.

mnd7:63.4 <b>Ñatvā</b>ti jānitvā tulayitvā tīrayitvā vibhāvayitvā vibhūtaṁ katvā.

mnd7:63.5 <b>Munī</b>ti.

mnd7:63.6 <b>Monaṁ</b> vuccati ñāṇaṁ.

mnd7:63.7 Yā paññā pajānanā …pe… saṅgajālamaticca so muni.

mnd7:63.8 <b>Idhā</b>ti imissā diṭṭhiyā imissā khantiyā imissā ruciyā imasmiṁ ādāye imasmiṁ dhamme imasmiṁ vinaye imasmiṁ dhammavinaye imasmiṁ pāvacane imasmiṁ brahmacariye imasmiṁ satthusāsane imasmiṁ attabhāve imasmiṁ manussaloketi—

mnd7:63.9 etamādīnavaṁ ñatvā muni pubbāpare idha.