mnd7:46.1 <b>Atha satthāni kurute, paravādehi codito</b>ti.
BAGIAN 46
mnd7:46.2 <b>Athā</b>ti padasandhi padasaṁsaggo padapāripūrī akkharasamavāyo byañjanasiliṭṭhatā padānupubbatāpetaṁ—
mnd7:46.3 athāti.
mnd7:46.4 <b>Satthānī</b>ti tīṇi satthāni—
mnd7:46.5 kāyasatthaṁ, vacīsatthaṁ, manosatthaṁ.
mnd7:46.6 Tividhaṁ kāyaduccaritaṁ kāyasatthaṁ, catubbidhaṁ vacīduccaritaṁ vacīsatthaṁ, tividhaṁ manoduccaritaṁ manosatthaṁ.
mnd7:46.7 <b>Paravādehi codito</b>ti.
mnd7:46.8 Upajjhāyehi vā ācariyehi vā samānupajjhāyakehi vā samānācariyakehi vā mittehi vā sandiṭṭhehi vā sambhattehi vā sahāyehi vā codito sampajānamusā bhāsati.
mnd7:46.9 “Abhirato ahaṁ, bhante, ahosiṁ pabbajjāya.
mnd7:46.10 Mātā me posetabbā, tenamhi vibbhanto”ti bhaṇati.
mnd7:46.11 “Pitā me posetabbo, tenamhi vibbhanto”ti bhaṇati.
mnd7:46.12 “Bhātā me posetabbo …
mnd7:46.13 bhaginī me posetabbā …
mnd7:46.14 putto me posetabbo …
mnd7:46.15 dhītā me posetabbā …
mnd7:46.16 mittā me posetabbā …
mnd7:46.17 amaccā me posetabbā …
mnd7:46.18 ñātakā me posetabbā …
mnd7:46.19 sālohitā me posetabbā, tenamhi vibbhanto”ti bhaṇati.
mnd7:46.20 Vacīsatthaṁ karoti saṅkaroti janeti sañjaneti nibbatteti abhinibbattetīti—
mnd7:46.21 atha satthāni kurute, paravādehi codito.