mnd7:34.1 <b>Etampi disvā sikkhetha methunaṁ vippahātave</b>ti.
BAGIAN 34
mnd7:34.2 <b>Etan</b>ti pubbe samaṇabhāve yaso kitti ca, aparabhāge buddhaṁ dhammaṁ saṅghaṁ sikkhaṁ paccakkhāya hīnāyāvattassa ayaso ca akitti ca;
mnd7:34.3 etaṁ sampattiṁ vipattiṁ.
mnd7:34.4 <b>Disvā</b>ti passitvā tulayitvā tīrayitvā vibhāvayitvā vibhūtaṁ katvāti—
mnd7:34.5 etampi disvā.
mnd7:34.6 <b>Sikkhethā</b>ti tisso sikkhā—
mnd7:34.7 adhisīlasikkhā, adhicittasikkhā, adhipaññāsikkhā.
mnd7:34.8 Katamā adhisīlasikkhā?
mnd7:34.9 Idha bhikkhu sīlavā hoti, pātimokkhasaṁvarasaṁvuto viharati ācāragocarasampanno aṇumattesu vajjesu bhayadassāvī, samādāya sikkhati sikkhāpadesu.
mnd7:34.10 Khuddako sīlakkhandho, mahanto sīlakkhandho.
mnd7:34.11 Sīlaṁ patiṭṭhā ādi caraṇaṁ saṁyamo saṁvaro mukhaṁ pamukhaṁ kusalānaṁ dhammānaṁ samāpattiyā—
mnd7:34.12 ayaṁ adhisīlasikkhā.