6. Jarāsuttaniddesa

mnd6:76.1 <b>Tasmiṁ paridevamaccharaṁ paṇṇe vāri yathā na limpatī</b>ti.

mnd6:76.2 <b>Tasmin</b>ti tasmiṁ puggale arahante khīṇāsave.

mnd6:76.3 <b>Paridevo</b>ti ñātibyasanena vā phuṭṭhassa bhogabyasanena vā phuṭṭhassa rogabyasanena vā phuṭṭhassa sīlabyasanena vā phuṭṭhassa diṭṭhibyasanena vā phuṭṭhassa aññataraññatarena byasanena samannāgatassa aññataraññatarena dukkhadhammena phuṭṭhassa ādevo paridevo ādevanā paridevanā ādevitattaṁ paridevitattaṁ vācā palāpo vippalāpo lālappo lālappāyanā lālappāyitattaṁ.

mnd6:76.4 <b>Macchariyan</b>ti pañca macchariyāni—

mnd6:76.5 āvāsamacchariyaṁ, kulamacchariyaṁ, lābhamacchariyaṁ, vaṇṇamacchariyaṁ, dhammamacchariyaṁ.

mnd6:76.6 Yaṁ evarūpaṁ macchariyaṁ maccharāyanā maccharāyitattaṁ vevicchaṁ kadariyaṁ kaṭukañcukatā aggahitattaṁ cittassa—

mnd6:76.7 idaṁ vuccati macchariyaṁ.

mnd6:76.8 Api ca khandhamacchariyampi macchariyaṁ, dhātumacchariyampi macchariyaṁ, āyatanamacchariyampi macchariyaṁ gāho—

mnd6:76.9 idaṁ vuccati macchariyaṁ.