mnd6:63.1 <b>Sokapparidevamaccharaṁ na pajahanti giddhā mamāyite</b>ti.
BAGIAN 63
mnd6:63.2 <b>Soko</b>ti ñātibyasanena vā phuṭṭhassa bhogabyasanena vā phuṭṭhassa rogabyasanena vā phuṭṭhassa sīlabyasanena vā phuṭṭhassa diṭṭhibyasanena vā phuṭṭhassa aññataraññatarena byasanena samannāgatassa aññataraññatarena dukkhadhammena phuṭṭhassa soko socanā socitattaṁ antosoko antoparisoko antodāho antoparidāho cetaso parijjhāyanā domanassaṁ sokasallaṁ.
mnd6:63.3 <b>Paridevo</b>ti ñātibyasanena vā phuṭṭhassa …pe…
mnd6:63.4 diṭṭhibyasanena vā phuṭṭhassa aññataraññatarena byasanena samannāgatassa aññataraññatarena dukkhadhammena phuṭṭhassa ādevo paridevo ādevanā paridevanā ādevitattaṁ paridevitattaṁ vācā palāpo vippalāpo lālappo lālappāyanā lālappāyitattaṁ.
mnd6:63.5 <b>Macchariyan</b>ti pañca macchariyāni—
mnd6:63.6 āvāsamacchariyaṁ, kulamacchariyaṁ, lābhamacchariyaṁ, vaṇṇamacchariyaṁ, dhammamacchariyaṁ.
mnd6:63.7 Yaṁ evarūpaṁ macchariyaṁ maccharāyanā maccharāyitattaṁ vevicchaṁ kadariyaṁ kaṭukañcukatā aggahitattaṁ cittassa—
mnd6:63.8 idaṁ vuccati macchariyaṁ.
mnd6:63.9 Api ca khandhamacchariyampi macchariyaṁ, dhātumacchariyampi macchariyaṁ, āyatanamacchariyampi macchariyaṁ gāho—
mnd6:63.10 idaṁ vuccati macchariyaṁ.
mnd6:63.11 Gedho vuccati taṇhā.
mnd6:63.12 Yo rāgo sārāgo …pe… abhijjhā lobho akusalamūlaṁ.
mnd6:63.13 <b>Mamattā</b>ti dve mamattā—
mnd6:63.14 taṇhāmamattañca diṭṭhimamattañca …pe…
mnd6:63.15 idaṁ taṇhāmamattaṁ …pe…
mnd6:63.16 idaṁ diṭṭhimamattaṁ.
mnd6:63.17 Mamāyitaṁ vatthuṁ acchedasaṅkinopi socanti, acchijjantepi socanti, acchinnepi socanti, mamāyitaṁ vatthuṁ vipariṇāmasaṅkinopi socanti, vipariṇāmantepi socanti, vipariṇatepi socanti, mamāyitaṁ vatthuṁ acchedasaṅkinopi paridevanti, acchijjantepi paridevanti, acchinnepi paridevanti.
mnd6:63.18 Mamāyitaṁ vatthuṁ vipariṇāmasaṅkinopi paridevanti, vipariṇāmantepi paridevanti, vipariṇatepi paridevanti.
mnd6:63.19 Mamāyitaṁ vatthuṁ rakkhanti gopenti pariggaṇhanti mamāyanti maccharāyanti;
mnd6:63.20 mamāyitasmiṁ vatthusmiṁ sokaṁ na jahanti, paridevaṁ na jahanti, macchariyaṁ na jahanti, gedhaṁ na jahanti na pajahanti na vinodenti na byantiṁ karonti na anabhāvaṁ gamentīti—
mnd6:63.21 sokapparidevamaccharaṁ na pajahanti giddhā mamāyite.