mnd6:34.1 <b>Vinābhāvaṁ santamevidan</b>ti.
BAGIAN 34
mnd6:34.2 Nānābhāve vinābhāve aññathābhāve sante saṁvijjamāne upalabbhiyamāne.
mnd6:34.3 Vuttañhetaṁ bhagavatā —
mnd6:34.4 “alaṁ, ānanda.
mnd6:34.5 Mā soci mā paridevi.
mnd6:34.6 Nanu etaṁ, ānanda, mayā paṭikacceva akkhātaṁ—
mnd6:34.7 ‘sabbeheva piyehi manāpehi nānābhāvo vinābhāvo aññathābhāvo.
mnd6:34.8 Taṁ kutettha, ānanda, labbhā—
mnd6:34.9 yaṁ taṁ jātaṁ bhūtaṁ saṅkhataṁ palokadhammaṁ taṁ vata mā palujjī’ti.
mnd6:34.10 Netaṁ ṭhānaṁ vijjati.
mnd6:34.11 Purimānaṁ purimānaṁ khandhānaṁ dhātūnaṁ āyatanānaṁ vipariṇāmaññathābhāvā pacchimā pacchimā khandhā ca dhātuyo ca āyatanāni ca pavattantī”ti—
mnd6:34.12 vinābhāvaṁ santamevidaṁ.