mnd6:3.1 <b>Appaṁ vata jīvitaṁ idan</b>ti.
BAGIAN 3
mnd6:3.2 <b>Jīvitan</b>ti āyu ṭhiti yapanā yāpanā iriyanā vattanā pālanā jīvitaṁ jīvitindriyaṁ.
mnd6:3.3 Api ca dvīhi kāraṇehi appakaṁ jīvitaṁ thokaṁ jīvitaṁ—
mnd6:3.4 ṭhitiparittatāya vā appakaṁ jīvitaṁ, sarasaparittatāya vā appakaṁ jīvitaṁ.
mnd6:3.5 Kathaṁ ṭhitiparittatāya vā appakaṁ jīvitaṁ?
mnd6:3.6 Atīte cittakkhaṇe jīvittha, na jīvati na jīvissati;
mnd6:3.7 anāgate cittakkhaṇe jīvissati, na jīvati na jīvittha;
mnd6:3.8 paccuppanne cittakkhaṇe jīvati, na jīvittha na jīvissati.