mnd5:36.1 <b>Bhavābhavāyā</b>ti bhavābhavāya kammabhavāya punabbhavāya kāmabhavāya, kammabhavāya kāmabhavāya punabbhavāya rūpabhavāya, kammabhavāya rūpabhavāya punabbhavāya arūpabhavāya, kammabhavāya arūpabhavāya punabbhavāya punappunabbhavāya punappunagatiyā punappunaupapattiyā punappunapaṭisandhiyā punappunaattabhāvābhinibbattiyā.
BAGIAN 36
mnd5:36.2 <b>Idhā</b>ti sakattabhāvo,
mnd5:36.3 <b>hurā</b>ti parattabhāvo;
mnd5:36.4 <b>idhā</b>ti sakarūpavedanāsaññāsaṅkhāraviññāṇaṁ,
mnd5:36.5 <b>hurā</b>ti pararūpavedanāsaññāsaṅkhāraviññāṇaṁ;
mnd5:36.6 <b>idhā</b>ti cha ajjhattikāni āyatanāni,
mnd5:36.7 <b>hurā</b>ti cha bāhirāni āyatanāni;
mnd5:36.8 <b>idhā</b>ti manussaloko,
mnd5:36.9 <b>hurā</b>ti devaloko;
mnd5:36.10 <b>idhā</b>ti kāmadhātu,
mnd5:36.11 <b>hurā</b>ti rūpadhātu arūpadhātu;
mnd5:36.12 <b>idhā</b>ti kāmadhātu rūpadhātu.
mnd5:36.13 <b>Hurā</b>ti arūpadhātu.
mnd5:36.14 <b>Yassūbhayante paṇidhīdha natthi bhavābhavāya idha vā huraṁ vā</b>ti.
mnd5:36.15 Yassa ubho ante ca bhavābhavāya ca idha hurañca paṇidhi taṇhā natthi na santi na saṁvijjati nupalabbhati, pahīnā samucchinnā vūpasantā paṭipassaddhā abhabbuppattikā ñāṇagginā daḍḍhāti—
mnd5:36.16 yassūbhayante paṇidhīdha natthi bhavābhavāya idha vā huraṁ vā.