mnd5:28.1 <b>Attaṁ pahāya anupādiyāno</b>ti.
BAGIAN 28
mnd5:28.2 <b>Attaṁ pahāyā</b>ti attadiṭṭhiṁ pahāya.
mnd5:28.3 <b>Attaṁ pahāyā</b>ti gāhaṁ pahāya.
mnd5:28.4 <b>Attaṁ pahāyā</b>ti taṇhāvasena diṭṭhivasena gahitaṁ parāmaṭṭhaṁ abhiniviṭṭhaṁ ajjhositaṁ adhimuttaṁ pahāya pajahitvā vinodetvā byantiṁ karitvā anabhāvaṁ gametvāti—
mnd5:28.5 attaṁ pahāya.
mnd5:28.6 <b>Anupādiyāno</b>ti catūhi upādānehi anupādiyamāno agaṇhamāno aparāmāsamāno anabhinivisamānoti—
mnd5:28.7 attaṁ pahāya anupādiyāno.