mnd4:61.1 <b>Ādānaganthaṁ gathitaṁ visajjā</b>ti.
BAGIAN 61
mnd4:61.2 <b>Ganthā</b>ti cattāro ganthā—
mnd4:61.3 abhijjhākāyagantho, byāpādo kāyagantho, sīlabbataparāmāso kāyagantho, idaṁsaccābhiniveso kāyagantho.
mnd4:61.4 Attano diṭṭhiyā rāgo abhijjhākāyagantho;
mnd4:61.5 paravādesu āghāto appaccayo byāpādo kāyagantho;
mnd4:61.6 attano sīlaṁ vā vataṁ vā sīlavataṁ vā parāmasantīti sīlabbataparāmāso kāyagantho, attano diṭṭhi idaṁsaccābhiniveso kāyagantho.
mnd4:61.7 Kiṅkāraṇā vuccati ādānagantho?
mnd4:61.8 Tehi ganthehi rūpaṁ ādiyanti upādiyanti gaṇhanti parāmasanti abhinivisanti;
mnd4:61.9 vedanaṁ …
mnd4:61.10 saññaṁ …
mnd4:61.11 saṅkhāre …
mnd4:61.12 viññāṇaṁ …
mnd4:61.13 gatiṁ …
mnd4:61.14 upapattiṁ …
mnd4:61.15 paṭisandhiṁ …
mnd4:61.16 bhavaṁ …
mnd4:61.17 saṁsāravaṭṭaṁ ādiyanti upādiyanti gaṇhanti parāmasanti abhinivisanti.
mnd4:61.18 Taṅkāraṇā vuccati ādānagantho.
mnd4:61.19 <b>Visajjā</b>ti ganthe vosajjitvā vā—
mnd4:61.20 visajja.
mnd4:61.21 Atha vā ganthe gadhite ganthite bandhe vibandhe ābandhe lagge laggite palibuddhe bandhane phoṭayitvā—
mnd4:61.22 visajja.
mnd4:61.23 Yathā vayhaṁ vā rathaṁ vā sakaṭaṁ vā sandamānikaṁ vā sajjaṁ visajjaṁ karonti vikopenti;
mnd4:61.24 evamevaṁ ganthe vosajjitvā—
mnd4:61.25 visajja.
mnd4:61.26 Atha vā ganthe gathite ganthite bandhe vibandhe ābandhe lagge laggite palibuddhe bandhane phoṭayitvā visajjāti—
mnd4:61.27 ādānaganthaṁ gathitaṁ visajja.