mnd4:13.1 <b>Diṭṭhī hi naṁ pāva tathā vadānan</b>ti.
BAGIAN 13
mnd4:13.2 Sāva diṭṭhi taṁ puggalaṁ pāvadati—
mnd4:13.3 iti vāyaṁ puggalo micchādiṭṭhiko viparītadassano.
mnd4:13.4 <b>Tathā vadānan</b>ti tathā vadantaṁ kathentaṁ bhaṇantaṁ dīpayantaṁ voharantaṁ.
mnd4:13.5 “Sassato loko, idameva saccaṁ moghamaññan”ti tathā vadantaṁ kathentaṁ bhaṇantaṁ dīpayantaṁ voharantaṁ.
mnd4:13.6 “Asassato loko …
mnd4:13.7 antavā loko …
mnd4:13.8 anantavā loko …
mnd4:13.9 taṁ jīvaṁ taṁ sarīraṁ …
mnd4:13.10 aññaṁ jīvaṁ aññaṁ sarīraṁ …
mnd4:13.11 hoti tathāgato paraṁ maraṇā …
mnd4:13.12 na hoti tathāgato paraṁ maraṇā …
mnd4:13.13 hoti ca na ca hoti tathāgato paraṁ maraṇā …
mnd4:13.14 neva hoti na na hoti tathāgato paraṁ maraṇā, idameva saccaṁ moghamaññan”ti tathā vadantaṁ kathentaṁ bhaṇantaṁ dīpayantaṁ voharantanti—
mnd4:13.15 diṭṭhī hi naṁ pāva tathā vadānaṁ.