mnd3:60.1 <b>Upayo hi dhammesu upeti vādan</b>ti.
BAGIAN 60
mnd3:60.2 <b>Upayā</b>ti dve upayā—
mnd3:60.3 taṇhūpayo ca diṭṭhūpayo ca …pe…
mnd3:60.4 ayaṁ taṇhūpayo …pe…
mnd3:60.5 ayaṁ diṭṭhūpayo.
mnd3:60.6 Tassa taṇhūpayo appahīno, diṭṭhūpayo appaṭinissaṭṭho.
mnd3:60.7 Taṇhūpayassa appahīnattā, diṭṭhūpayassa appaṭinissaṭṭhattā dhammesu vādaṁ upeti—
mnd3:60.8 rattoti vā duṭṭhoti vā mūḷhoti vā vinibaddhoti vā parāmaṭṭhoti vā vikkhepagatoti vā aniṭṭhaṅgatoti vā thāmagatoti vā.
mnd3:60.9 Te abhisaṅkhārā appahīnā.
mnd3:60.10 Abhisaṅkhārānaṁ appahīnattā gatiyā vādaṁ upeti.
mnd3:60.11 Nerayikoti vā tiracchānayonikoti vā pettivisayikoti vā manussoti vā devoti vā rūpīti vā arūpīti vā saññīti vā asaññīti vā nevasaññīnāsaññīti vā vādaṁ upeti upagacchati gaṇhāti parāmasati abhinivisatīti—
mnd3:60.12 upayo hi dhammesu upeti vādaṁ.