mnd3:46.1 <b>Nirassatī ādiyatī ca dhamman</b>ti.
BAGIAN 46
mnd3:46.2 <b>Nirassatī</b>ti dvīhi kāraṇehi nirassati—
mnd3:46.3 paravicchindanāya vā nirassati, anabhisambhuṇanto vā nirassati.
mnd3:46.4 Kathaṁ paravicchindanāya nirassati?
mnd3:46.5 Paro vicchindeti—
mnd3:46.6 so satthā na sabbaññū,
mnd3:46.7 dhammo na svākkhāto,
mnd3:46.8 gaṇo na suppaṭipanno,
mnd3:46.9 diṭṭhi na bhaddikā,
mnd3:46.10 paṭipadā na supaññattā,
mnd3:46.11 maggo na niyyāniko, natthettha suddhi vā visuddhi vā parisuddhi vā mutti vā vimutti vā parimutti vā, natthettha sujjhanti vā visujjhanti vā parisujjhanti vā muccanti vā vimuccanti vā parimuccanti vā, hīnā nihīnā omakā lāmakā chatukkā parittāti—
mnd3:46.12 evaṁ paro vicchindeti.
mnd3:46.13 Evaṁ vicchindiyamāno satthāraṁ nirassati, dhammakkhānaṁ nirassati, gaṇaṁ nirassati, diṭṭhiṁ nirassati, paṭipadaṁ nirassati, maggaṁ nirassati.
mnd3:46.14 Evaṁ paravicchindanāya nirassati.
mnd3:46.15 Kathaṁ anabhisambhuṇanto nirassati?
mnd3:46.16 Sīlaṁ anabhisambhuṇanto sīlaṁ nirassati, vataṁ anabhisambhuṇanto vataṁ nirassati, sīlabbataṁ anabhisambhuṇanto sīlabbataṁ nirassati.
mnd3:46.17 Evaṁ anabhisambhuṇanto nirassati.
mnd3:46.18 <b>Ādiyatī ca dhamman</b>ti.
mnd3:46.19 Satthāraṁ gaṇhāti, dhammakkhānaṁ gaṇhāti, gaṇaṁ gaṇhāti, diṭṭhiṁ gaṇhāti, paṭipadaṁ gaṇhāti, maggaṁ gaṇhāti parāmasati abhinivisatīti—
mnd3:46.20 nirassatī ādiyatī ca dhammaṁ.