mnd3:39.1 <b>Taṁ nissito kuppapaṭiccasantin</b>ti.
BAGIAN 39
mnd3:39.2 Tisso santiyo—
mnd3:39.3 accantasanti, tadaṅgasanti, sammutisanti.
mnd3:39.4 Katamā <b>accantasanti</b>?
mnd3:39.5 Accantasanti vuccati amataṁ nibbānaṁ.
mnd3:39.6 Yo so sabbasaṅkhārasamatho sabbūpadhipaṭinissaggo taṇhakkhayo virāgo nirodho nibbānaṁ.
mnd3:39.7 Ayaṁ accantasanti.
mnd3:39.8 Katamā <b>tadaṅgasanti</b>?
mnd3:39.9 Paṭhamaṁ jhānaṁ samāpannassa nīvaraṇā santā honti;
mnd3:39.10 dutiyaṁ jhānaṁ samāpannassa vitakkavicārā santā honti;
mnd3:39.11 tatiyaṁ jhānaṁ samāpannassa pīti santā hoti;
mnd3:39.12 catutthaṁ jhānaṁ samāpannassa sukhadukkhā santā honti;
mnd3:39.13 ākāsānañcāyatanaṁ samāpannassa rūpasaññā paṭighasaññā nānattasaññā santā hoti;
mnd3:39.14 viññāṇañcāyatanaṁ samāpannassa ākāsānañcāyatanasaññā santā hoti;
mnd3:39.15 ākiñcaññāyatanaṁ samāpannassa viññāṇañcāyatanasaññā santā hoti;
mnd3:39.16 nevasaññānāsaññāyatanaṁ samāpannassa ākiñcaññāyatanasaññā santā hoti.
mnd3:39.17 Ayaṁ tadaṅgasanti.
mnd3:39.18 Katamā <b>sammutisanti</b>?
mnd3:39.19 Sammutisantiyo vuccanti dvāsaṭṭhi diṭṭhigatāni diṭṭhisantiyo.
mnd3:39.20 Api ca sammutisanti imasmiṁ atthe adhippetā santīti.
mnd3:39.21 <b>Taṁ nissito kuppapaṭiccasantin</b>ti.
mnd3:39.22 Kuppasantiṁ pakuppasantiṁ eritasantiṁ sameritasantiṁ calitasantiṁ ghaṭṭitasantiṁ kappitasantiṁ pakappitasantiṁ aniccaṁ saṅkhataṁ paṭiccasamuppannaṁ khayadhammaṁ vayadhammaṁ virāgadhammaṁ nirodhadhammaṁ, santiṁ nissito asito allīno upagato ajjhosito adhimuttoti—
mnd3:39.23 taṁ nissito kuppapaṭiccasantiṁ.