mnd2:94.1 <b>Mamāyite passatha phandamāne</b>ti.
BAGIAN 94
mnd2:94.2 <b>Mamattā</b>ti dve mamattā—
mnd2:94.3 taṇhāmamattañca diṭṭhimamattañca.
mnd2:94.4 Katamaṁ taṇhāmamattaṁ?
mnd2:94.5 Yāvatā taṇhāsaṅkhātena sīmakataṁ mariyādikataṁ odhikataṁ pariyantakataṁ pariggahitaṁ mamāyitaṁ.
mnd2:94.6 Idaṁ mamaṁ,
mnd2:94.7 etaṁ mamaṁ,
mnd2:94.8 ettakaṁ mamaṁ,
mnd2:94.9 ettāvatā mamaṁ,
mnd2:94.10 mama rūpā saddā gandhā rasā phoṭṭhabbā,
mnd2:94.11 attharaṇā pāvuraṇā dāsidāsā ajeḷakā kukkuṭasūkarā hatthigavāssavaḷavā khettaṁ vatthu hiraññaṁ suvaṇṇaṁ gāmanigamarājadhāniyo raṭṭhañca janapado ca koso ca koṭṭhāgārañca,
mnd2:94.12 kevalampi mahāpathaviṁ taṇhāvasena mamāyati.
mnd2:94.13 Yāvatā aṭṭhasataṁ taṇhāvicaritaṁ,
mnd2:94.14 idaṁ taṇhāmamattaṁ.