mnd1:76.1 <b>Kāmāni parivajjaye</b>ti.
BAGIAN 76
mnd1:76.2 <b>Kāmā</b>ti uddānato dve kāmā—
mnd1:76.3 vatthukāmā ca kilesakāmā ca …pe…
mnd1:76.4 ime vuccanti vatthukāmā …pe…
mnd1:76.5 ime vuccanti kilesakāmā.
mnd1:76.6 <b>Kāmāni parivajjaye</b>ti dvīhi kāraṇehi kāme parivajjeyya—
mnd1:76.7 vikkhambhanato vā samucchedato vā.
mnd1:76.8 Kathaṁ vikkhambhanato kāme parivajjeyya?
mnd1:76.9 “Aṭṭhikaṅkalūpamā kāmā appassādaṭṭhenā”ti passanto vikkhambhanato kāme parivajjeyya,
mnd1:76.10 “maṁsapesūpamā kāmā bahusādhāraṇaṭṭhenā”ti passanto vikkhambhanato kāme parivajjeyya,
mnd1:76.11 “tiṇukkūpamā kāmā anudahanaṭṭhenā”ti passanto vikkhambhanato kāme parivajjeyya …pe…
mnd1:76.12 nevasaññānāsaññāyatanasamāpattiṁ bhāvento vikkhambhanato kāme parivajjeyya.
mnd1:76.13 Evaṁ vikkhambhanato kāme parivajjeyya …pe…
mnd1:76.14 evaṁ samucchedato kāme parivajjeyyāti—
mnd1:76.15 kāmāni parivajjaye.