mnd16:269.1 <b>Yesaṁ satīmā vinayāya sikkhe</b>ti.
BAGIAN 269
mnd16:269.2 <b>Yesan</b>ti rūparāgassa saddarāgassa gandharāgassa rasarāgassa phoṭṭhabbarāgassa.
mnd16:269.3 <b>Satīmā</b>ti yā sati anussati paṭissati sati saraṇatā dhāraṇatā apilāpanatā asammussanatā satindriyaṁ satibalaṁ sammāsati satisambojjhaṅgo ekāyanamaggo—
mnd16:269.4 ayaṁ vuccati sati.
mnd16:269.5 Imāya satiyā upeto samupeto upagato samupagato upapanno samupapanno samannāgato.
mnd16:269.6 So vuccati satimā.
mnd16:269.7 <b>Sikkhe</b>ti tisso sikkhā—
mnd16:269.8 adhisīlasikkhā, adhicittasikkhā, adhipaññāsikkhā.
mnd16:269.9 Katamā adhisīlasikkhā …pe…
mnd16:269.10 ayaṁ adhipaññāsikkhā.
mnd16:269.11 <b>Yesaṁ satīmā vinayāya sikkhe</b>ti.
mnd16:269.12 Satimā puggalo yesaṁ rūparāgassa saddarāgassa gandharāgassa rasarāgassa phoṭṭhabbarāgassa vinayāya paṭivinayāya pahānāya vūpasamāya paṭinissaggāya paṭipassaddhiyā adhisīlampi sikkheyya adhicittampi sikkheyya adhipaññampi sikkheyya, imā tisso sikkhāyo āvajjanto sikkheyya, jānanto sikkheyya …pe…
mnd16:269.13 sacchikātabbaṁ sacchikaronto sikkheyya ācareyya samācareyya samādāya vatteyyāti—
mnd16:269.14 yesaṁ satīmā vinayāya sikkhe.