mnd16:249.1 Atha vā “sīlesumhi na paripūrakārī”ti uppajjati kukkuccaṁ cetaso vippaṭisāro manovilekho;
BAGIAN 249
mnd16:249.2 “indriyesumhi aguttadvāro”ti …
mnd16:249.3 “bhojane amattaññūmhī”ti …
mnd16:249.4 “jāgariyaṁ ananuyuttomhī”ti …
mnd16:249.5 “na satisampajaññena samannāgatomhī”ti …
mnd16:249.6 “abhāvitā me cattāro satipaṭṭhānā”ti …
mnd16:249.7 “abhāvitā me cattāro sammappadhānā”ti …
mnd16:249.8 “abhāvitā me cattāro iddhipādā”ti …
mnd16:249.9 “abhāvitāni me pañcindriyānī”ti …
mnd16:249.10 “abhāvitāni me pañca balānī”ti …
mnd16:249.11 “abhāvitā me satta bojjhaṅgā”ti …
mnd16:249.12 “abhāvito me ariyo aṭṭhaṅgiko maggo”ti …
mnd16:249.13 “dukkhaṁ me apariññātan”ti …
mnd16:249.14 “dukkhasamudayo me appahīno”ti …
mnd16:249.15 “maggo me abhāvito”ti …
mnd16:249.16 “nirodho me asacchikato”ti uppajjati kukkuccaṁ cetaso vippaṭisāro manovilekho.
mnd16:249.17 <b>Takkāsayaṁ kukkuccañcupacchinde</b>ti.
mnd16:249.18 Takkañca takkāsayañca kukkuccañca upacchindeyya chindeyya ucchindeyya samucchindeyya pajaheyya vinodeyya byantiṁ kareyya anabhāvaṁ gameyyāti—
mnd16:249.19 takkāsayaṁ kukkuccañcupacchinde.