mnd16:191.1 <b>Athappiyaṁ vā pana appiyaṁ vā, addhā bhavanto abhisambhaveyyā</b>ti.
BAGIAN 191
mnd16:191.2 <b>Athā</b>ti padasandhi padasaṁsaggo padapāripūrī akkharasamavāyo byañjanasiliṭṭhatā padānupubbatāpetaṁ—
mnd16:191.3 athāti.
mnd16:191.4 <b>Piyā</b>ti dve piyā—
mnd16:191.5 sattā vā saṅkhārā vā.
mnd16:191.6 Katame sattā piyā?
mnd16:191.7 Idha yāssa te honti atthakāmā hitakāmā phāsukāmā yogakkhemakāmā mātā vā pitā vā bhātā vā bhaginī vā puttā vā dhītā vā mittā vā amaccā vā ñātī vā sālohitā vā—
mnd16:191.8 ime sattā piyā.
mnd16:191.9 Katame saṅkhārā piyā?
mnd16:191.10 Manāpikā rūpā manāpikā saddā …
mnd16:191.11 gandhā …
mnd16:191.12 rasā …
mnd16:191.13 phoṭṭhabbā—
mnd16:191.14 ime saṅkhārā piyā.
mnd16:191.15 <b>Appiyā</b>ti dve appiyā—
mnd16:191.16 sattā vā saṅkhārā vā.
mnd16:191.17 Katame sattā appiyā?
mnd16:191.18 Idha yāssa te honti anatthakāmā ahitakāmā aphāsukāmā ayogakkhemakāmā jīvitā voropetukāmā—
mnd16:191.19 ime sattā appiyā.
mnd16:191.20 Katame saṅkhārā appiyā?
mnd16:191.21 Amanāpikā rūpā amanāpikā saddā, gandhā …
mnd16:191.22 rasā …
mnd16:191.23 phoṭṭhabbā—
mnd16:191.24 ime saṅkhārā appiyā.
mnd16:191.25 <b>Addhā</b>ti ekaṁsavacanaṁ nissaṁsayavacanaṁ nikkaṅkhavacanaṁ advejjhavacanaṁ adveḷhakavacanaṁ niyyānikavacanaṁ apaṇṇakavacanaṁ avatthāpanavacanametaṁ—
mnd16:191.26 addhāti.
mnd16:191.27 <b>Athappiyaṁ vā pana appiyaṁ vā, addhā bhavanto abhisambhaveyyā</b>ti.
mnd16:191.28 Piyāppiyaṁ sātāsātaṁ sukhadukkhaṁ somanassadomanassaṁ iṭṭhāniṭṭhaṁ abhisambhavanto vā abhibhaveyya adhibhavanto vā abhisambhaveyyāti—
mnd16:191.29 athappiyaṁ vā pana appiyaṁ vā addhā bhavanto abhisambhaveyya.