mnd16:133.1 <b>Kāni sīlabbatānāssū</b>ti.
BAGIAN 133
mnd16:133.2 Kīdisena sīlabbatena samannāgato assa kiṁsaṇṭhitena kiṁpakārena kiṁpaṭibhāgenāti sīlabbatapārisuddhiṁ pucchati.
mnd16:133.3 Katamā sīlabbatapārisuddhi?
mnd16:133.4 Atthi sīlañceva vatañca, atthi vataṁ na sīlaṁ.
mnd16:133.5 Katamaṁ sīlañceva vatañca?
mnd16:133.6 Idha bhikkhu sīlavā hoti, pātimokkhasaṁvarasaṁvuto viharati ācāragocarasampanno, aṇumattesu vajjesu bhayadassāvī, samādāya sikkhati sikkhāpadesu.
mnd16:133.7 Yo tattha saññamo saṁvaro avītikkamo—
mnd16:133.8 idaṁ sīlaṁ.
mnd16:133.9 Yaṁ samādānaṁ—
mnd16:133.10 taṁ vataṁ.
mnd16:133.11 Saṁvaraṭṭhena sīlaṁ, samādānaṭṭhena vataṁ—
mnd16:133.12 idaṁ vuccati sīlañceva vatañca.