mnd16:11.1 Atha vā devā vuccanti tusitā.
BAGIAN 11
mnd16:11.2 Te tuṭṭhā santuṭṭhā attamanā pamuditā pītisomanassajātā devalokato gaṇiṁ āgatoti.
mnd16:11.3 Evampi tusitā gaṇimāgato.
mnd16:11.4 Atha vā arahanto vuccanti tusitā.
mnd16:11.5 Te tuṭṭhā santuṭṭhā attamanā paripuṇṇasaṅkappā arahantānaṁ gaṇiṁ āgatoti.
mnd16:11.6 Evampi tusitā gaṇimāgato.
mnd16:11.7 <b>Gaṇī</b>ti gaṇī bhagavā.
mnd16:11.8 Gaṇācariyoti gaṇī, gaṇassa satthāti gaṇī, gaṇaṁ pariharatīti gaṇī, gaṇaṁ ovadatīti gaṇī, gaṇamanusāsatīti gaṇī, visārado gaṇaṁ upasaṅkamatīti gaṇī, gaṇassa sussūsati sotaṁ odahati aññā cittaṁ upaṭṭhapetīti gaṇī, gaṇaṁ akusalā vuṭṭhāpetvā kusale patiṭṭhāpetīti gaṇī, bhikkhugaṇassa gaṇī, bhikkhunigaṇassa gaṇī, upāsakagaṇassa gaṇī, upāsikāgaṇassa gaṇī, rājagaṇassa gaṇī, khattiyagaṇassa … brāhmaṇagaṇassa … vessagaṇassa … suddagaṇassa … devagaṇassa … brahmagaṇassa gaṇī, saṅghī gaṇī gaṇācariyo.
mnd16:11.9 <b>Āgato</b>ti upagato samupagato samupapanno saṅkassanagaranti—
mnd16:11.10 tusitā gaṇimāgato.