mnd15:91.1 <b>Akkodhano lobhapāpaṁ, vevicchaṁ vitare munī</b>ti.
BAGIAN 91
mnd15:91.2 <b>Akkodhano</b>ti hi kho vuttaṁ, api ca kodho tāva vattabbo.
mnd15:91.3 Dasahākārehi kodho jāyati.
mnd15:91.4 “Anatthaṁ me acarī”ti kodho jāyati …pe…
mnd15:91.5 yasseso kodho pahīno samucchinno vūpasanto paṭipassaddho abhabbuppattiko ñāṇagginā daḍḍho, so vuccati akkodhano.
mnd15:91.6 Kodhassa pahīnattā akkodhano, kodhavatthussa pariññātattā akkodhano, kodhahetussa upacchinnattā akkodhano.
mnd15:91.7 <b>Lobho</b>ti yo lobho lubbhanā lubbhitattaṁ …pe…
mnd15:91.8 abhijjhā lobho akusalamūlaṁ.
mnd15:91.9 Vevicchaṁ vuccati pañca macchariyāni—
mnd15:91.10 āvāsamacchariyaṁ …pe…
mnd15:91.11 gāho vuccati macchariyaṁ.
mnd15:91.12 <b>Munī</b>ti.
mnd15:91.13 Monaṁ vuccati ñāṇaṁ …pe… saṅgajālamaticca so muni.
mnd15:91.14 <b>Akkodhano lobhapāpaṁ, vevicchaṁ vitare munī</b>ti.
mnd15:91.15 Muni lobhapāpañca vevicchañca atari uttari patari samatikkami vītivattayīti—
mnd15:91.16 akkodhano lobhapāpaṁ, vevicchaṁ vitare muni.