mnd15:82.1 <b>Tattha sikkhānugīyanti, yāni loke gadhitānī</b>ti.
BAGIAN 82
mnd15:82.2 <b>Sikkhā</b>ti hatthisikkhā assasikkhā rathasikkhā dhanusikkhā sālākiyaṁ sallakattiyaṁ kāyatikicchaṁ bhūtiyaṁ komārabhaccaṁ.
mnd15:82.3 <b>Anugīyantī</b>ti gīyanti niggīyanti kathīyanti bhaṇīyanti dīpīyanti voharīyanti.
mnd15:82.4 Atha vā gīyanti gaṇhīyanti uggaṇhīyanti dhārīyanti upadhārīyanti upalakkhīyanti gadhitapaṭilābhāya.
mnd15:82.5 <b>Gadhitā</b> vuccanti pañca kāmaguṇā—
mnd15:82.6 cakkhuviññeyyā rūpā iṭṭhā kantā manāpā piyarūpā kāmūpasañhitā rajanīyā,
mnd15:82.7 sotaviññeyyā saddā …pe…
mnd15:82.8 ghānaviññeyyā gandhā …
mnd15:82.9 jivhāviññeyyā rasā …
mnd15:82.10 kāyaviññeyyā phoṭṭhabbā iṭṭhā kantā manāpā piyarūpā kāmūpasañhitā rajanīyā.
mnd15:82.11 Kiṅkāraṇā gadhitā vuccanti pañca kāmaguṇā?
mnd15:82.12 Yebhuyyena devamanussā pañca kāmaguṇe icchanti sādiyanti patthayanti pihayanti abhijappanti taṅkāraṇā gadhitā vuccanti pañca kāmaguṇā.
mnd15:82.13 <b>Loke</b>ti manussaloketi—
mnd15:82.14 tattha sikkhānugīyanti, yāni loke gadhitāni.