mnd14:198.1 <b>Kathaṁ viggāhikaṁ na kathayeyyā</b>ti.
BAGIAN 198
mnd14:198.2 Katamā viggāhikā kathā?
mnd14:198.3 Idhekacco evarūpiṁ kathaṁ kattā hoti—
mnd14:198.4 “na tvaṁ imaṁ dhammavinayaṁ ājānāsi …pe…
mnd14:198.5 nibbeṭhehi vā sace pahosī”ti.
mnd14:198.6 Vuttañhetaṁ bhagavatā—
mnd14:198.7 “viggāhikāya kho, moggallāna, kathāya sati kathābāhullaṁ pāṭikaṅkhaṁ, kathābāhulle sati uddhaccaṁ, uddhatassa asaṁvaro, asaṁvutassa ārā cittaṁ samādhimhā”ti.
mnd14:198.8 <b>Kathaṁ viggāhikaṁ na kathayeyyā</b>ti.
mnd14:198.9 Viggāhikaṁ kathaṁ na katheyya na bhaṇeyya na dīpeyya na vohareyya, viggāhikaṁ kathaṁ pajaheyya vinodeyya byantiṁ kareyya anabhāvaṁ gameyya, viggāhikakathāya ārato assa virato paṭivirato nikkhanto nissaṭo vippamutto visaññutto vimariyādikatena cetasā vihareyyāti—
mnd14:198.10 kathaṁ viggāhikaṁ na kathayeyya.