mnd13:124.1 <b>Vissajja ganthāni munīdha loke</b>ti.
BAGIAN 124
mnd13:124.2 <b>Ganthā</b>ti cattāro ganthā—
mnd13:124.3 abhijjhā kāyagantho, byāpādo kāyagantho, sīlabbataparāmāso kāyagantho, idaṁsaccābhiniveso kāyagantho.
mnd13:124.4 Attano diṭṭhiyā rāgo abhijjhā kāyagantho, paravādesu āghāto appaccayo byāpādo kāyagantho, attano sīlaṁ vā vataṁ vā sīlabbataṁ vā parāmasati sīlabbataparāmāso kāyagantho, attano diṭṭhi idaṁsaccābhiniveso kāyagantho.
mnd13:124.5 <b>Vissajjā</b>ti ganthe vossajjitvā vissajja.
mnd13:124.6 Atha vā ganthe gathite ganthite bandhe vibandhe ābandhe lagge laggite palibuddhe bandhane phoṭayitvā vissajja.
mnd13:124.7 Yathā vayhaṁ vā rathaṁ vā sakaṭaṁ vā sandamānikaṁ vā sajjaṁ vissajjaṁ karonti vikopenti;
mnd13:124.8 evamevaṁ ganthe vossajjitvā vissajja.
mnd13:124.9 Atha vā ganthe gathite gaṇṭhite bandhe vibandhe ābandhe lagge laggite palibuddhe bandhane phoṭayitvā vissajja.
mnd13:124.10 <b>Munī</b>ti.
mnd13:124.11 <b>Monaṁ</b> vuccati ñāṇaṁ …pe… saṅgajālamaticca so muni.
mnd13:124.12 <b>Idhā</b>ti imissā diṭṭhiyā …pe…
mnd13:124.13 imasmiṁ manussaloketi—
mnd13:124.14 vissajja ganthāni munīdha loke.